मुंबईत एक धक्कादायक घटना घडली आहे, चक्क आपल्या आजीला नातवाने कचऱ्यात फेकल्याची धक्कादायक घटना समोर आली आहे. त्वचेचा कॅन्सर असल्याने नातवाने आजीला कचऱ्यात फेकल्याची माहिती समोर आली आहे. (Crime News) सध्या वृद्ध महिलेवर कुपर रुग्णालयात उपचार सुरु आहेत.
कचऱ्याच्या ढिगाऱ्यात मुंबईतील आरे परिसरात एक वृद्ध महिला टाकून गेल्याची माहिती पोलिसांना मिळाली होती. त्यानंतर पोलिसांनी त्या वृद्ध महिलेची चौकशी केली असता हा सर्व प्रकार उघडकीस आला. यशोदा गायकवाड असं या महिलेचं नाव आहे. स्वत:च्याच आजीला त्वचेचा कॅन्सर असलेल्या नातवाने कचऱ्याच्या ढिगाऱ्यात फेकून तो निघून गेला होता. ही धक्कादायक यानंतर घटना समोर आली आहे.
विशेष म्हणजे पोलिसांनी या महिलेला ताब्यात घेतल्यानंतर तिला उपचारासाठी रुग्णालयात नेण्यात आलं. मात्र दोन रुग्णालयाकडून तिच्यावर उपचार करण्यास नकार दिला. यानंतर पोलिसांनी कूपर रुग्णालयाला विनंती केली. सध्या तिच्यावर कूपर रुग्णालयात उपचार सुरु आहेत. आपल्या आजीला त्वचेचा कॅन्सर असल्याने आणि उपचारासाठी पुरेसे पैसे नसल्याने त्याने या वृद्ध महिलेला फेकून दिल्याची माहिती समोर आली आहे.
पोलिसांनी या वृद्ध महिलेची चौकशी केली असता तिने मालाडमधील एका घराचा पत्ता पोलिसांना दिला. पोलिसांनी त्या पत्त्यावर जाऊन शोधाशोध केली असता तिथे कुलूप असल्याचं समोर आलं. त्या नातवाचा आणि कुटुंबाचा सध्या पोलीस शोध घेत आहेत. मात्र, अद्याप कोणतीही माहिती समोर आलेली नाही. परंतु या घटनेने चिंता व्यक्त केली जात आहे.
या अमानवी कृत्यामुळे सर्वसामान्यांमध्ये संतापाची लाट उसळली आहे. या घटनेमुळे नात्यांमधील विश्वासाला तडा गेला असून, माणुसकी किती खालच्या पातळीवर जाऊ शकते, याचा प्रत्यय आला आहे. दोषींवर कठोर कारवाई या प्रकरणाची सखोल चौकशी होऊन करावी, अशी मागणी सर्व स्तरांतून होत आहे.
