राज्यात मद्यप्रेमींच्या खिशाला (Prices) आता मोठी आर्थिक झळ बसणार आहे. महसूल वाढीसाठी उत्पादन (Liquor Prices Policy) शुल्कात वाढ करण्याचा निर्णय आज (दि. १० जून) मंगळवारी मंत्रिमंडळाच्या बैठकीत घेण्यात आला. त्याचा परिणाम मद्याच्या किंमतीवर झाला असून नवे किमान दर जाहीर करण्यात आले आहेत.
राज्य उत्पादन शुल्क विभागाच्या महसूल वाढीच्या उपायांना झालेल्या मंत्रिमंडळ बैठकीत मान्यता देण्यात आली. सचिवस्तरीय अभ्यासगटविभागाचा महसूल वाढविण्याच्या दृष्टीने स्थापन करण्यात आला होता. या गटाने मद्यनिर्मिती धोरण, अनुज्ञप्ती, उत्पादन शुल्क तसंच कर संकलन वाढीसाठी इतर राज्यातील राबविण्यात येत असलेल्या चांगल्या पद्धतींचा, धोरणात्मक बाबींचा अभ्यास करून शासनास शिफारशी व अहवाल सादर केला. विभागाच्या महसुलात वाढीच्या प्रस्तावांना मान्यता देण्यात आली. त्यानुसार उत्पादन शुल्कात वाढ करण्यात येणार आहे.
भारतीय बनावटीच्या विदेशी मद्याच्या (आयएमएफएल) रु. २६०/- प्रति बल्क लिटरपर्यंत निर्मिती मूल्य घोषित केलेल्या मद्यावरील उत्पादन शुल्काचा दर निर्मिती मूल्याच्या तीन पटवरुन साडेचार पट करण्यात येईल. प्रति प्रुफ लिटर रुपये १८० वरुन २०५ रुपये देशी मद्यावरील उत्पादन शुल्काचा दर केला जाईल. उत्पादन शुल्काच्या दरातील वाढीनंतर एमआरपी सूत्रातील बदलामुळे १८० मि.ली. किमान किंमत देशी मद्य ८० रुपये बाटलीची किरकोळ विक्रीची , १४८ रुपये महाराष्ट्र मेड लिकर , २०५ भारतीय बनावटीचे विदेशी मद्य व विदेशी मद्याचे ३६० रुपयांचे प्रिमियम ब्रँड होणार आहे.
महाराष्ट्र मेड लिकर हा धान्याधारित विदेशी मद्याचा नवीन प्रकार तयार करण्यास राज्य शासनाकडून मान्यता देण्यात आली आहे. यामध्ये फक्त महाराष्ट्रातील मद्य उत्पादक असं उत्पादन करु शकतील. त्यांना या नव्या प्रकारातील उत्पादनाची (ब्रँड) नवीन नोंदणी करून घेणं आवश्यक राहील. आज या बातमीनंतर राज्यभरात मद्दप्रेमींमध्ये मोठा खर्च आपल्याला करावा लागणार अशा आशयाने चर्चा होत आहे.
