मागील आठवड्यात राज्यभरामध्ये पावसाने धुमाकूळ घातला होता. (Maharashtra Weather) पावसाने जोरदार हजेरी मुंबई, रायगड, कोकण, पश्चिम महाराष्ट्र, विदर्भ या सर्वच भागामध्ये लावली होती. सध्या राज्यात पावसाचा जोर कमी झाला आहे. मुंबई व राज्यातील अनेक भागांमध्ये पाऊस अधूनमधून हजेरी लावत आहे. परंतु, आता हवामान विभागाकडून राज्यातील अनेक भागांमध्ये वादळी वाऱ्यासह पावसाची शक्यता व्यक्त करण्यात आली आहे. तर अनेक जिल्ह्यांमध्ये पावसाचा येलो अलर्ट जारी करण्यात आला आहे. ज्या जिल्ह्यांमध्ये विजांच्या कडकडटासह आणि वादळी वाऱ्यासह पावसाचा अंदाज आहे, त्याठिकाणी सतर्कतेचा इशारा देण्यात आला आहे. त्यामुळे आता पुन्हा वाढत्या उकाड्यापासून सुटका होणार आहे.
हवामान विभागाने व्यक्त केलेल्या अंदाजानुसार, राज्यात पुढील तीन दिवस कोकण, मध्य महाराष्ट्र, विदर्भ आणि मराठवाड्याच्या काही भागांमध्ये वादळी वाऱ्यासह, मेघगर्जना, विजांच्या कडकडाटासह हलका ते मध्यम स्वरूपाच्या पावसाची शक्यता आहे. राज्यातील काही जिल्हे तसेच घाटमाथ्यावर हवामान विभागाने ‘यलो अलर्ट’ जारी केला आहे. दरम्यान, मान्सूनची गती मागील काही दिवसांपासून मंदावली आहे. तर, आज गुरुवारी (ता. 5 जून) यलो अलर्ट कोकणातील ठाणे, मुंबई, रायगड, रत्नागिरी, मध्य महाराष्ट्रातील धुळे, जळगाव, नाशिक, अहिल्यानगर, सातारा, सांगली, सोलापूर या जिल्ह्यांना देण्यात आला आहे.पुन्हा वादळी वाऱ्यासह, मेघगर्जना, विजांच्या कडकडाटासह पाऊस सुरू राज्यातील कोकण, मध्य महाराष्ट्रासह विदर्भ आणि मराठवाडा भागांत झाला आहे.
तसेच, मराठवाड्यातील छत्रपती संभाजीनगर, धाराशिव, विदर्भातील बुलडाणा, अकोला, अमरावती, वाशीम, यवतमाळ, वर्धा, नागपूर, चंद्रपूर, गडचिरोली जिल्ह्यांत विजासंह वादळी पावसाचा अंदाज असल्याने सतर्कतेचा इशारा (येलो अलर्ट) देण्यात आला आहे. सध्या चक्रीय स्थिती गुजरात राज्यात हवेच्या वरच्या थरात निर्माण झाली असून, अद्यापही ती स्थिती कायम आहे. यासोबतच अशीच चक्रीय स्थिती बांगलादेशाच्या उत्तर भागातही आहे, ज्याचा परिणाम महाराष्ट्रातील वातावरणावर होत आहे. या हवामान बदलाच्या पार्श्वभूमीवर राज्यात हलक्‍या ते मध्यम स्वरूपाच्या पावसाचा अंदाज वर्तवण्यात आला आहे. विशेषतः पावसाच्या सरी दुपारनंतर कोसळण्याची शक्यता असून, हवामानात ऊन पडण्याची शक्यता सकाळच्या सुमारास हवामान विभागाने व्यक्त केली आहे.
