गोवा हे केवळ समुद्रकिनारे आणि संस्कृतीसाठीच नाही, तर त्याच्या चविष्ट स्ट्रीट फूडसाठीही प्रसिद्ध आहे. (Goa Street Food) गोव्याच्या रस्त्यांवर मिळणारे खाद्यपदार्थ हे स्थानिक गोवन, पोर्तुगीज आणि कोकणी संस्कृतीचे मिश्रण आहे. येथील स्ट्रीट फूडमध्ये मासे, मांस, खाद्यपदार्थ आणि शाकाहारी पदार्थांचा समावेश आहे, जे स्वस्त आणि चवदार असतात. प्रसिद्ध पदार्थांमध्ये रोस ऑमलेट, फिश थाली, यांचा समावेश आहे. मिरची, खोबरे, तामरिंद आणि व्हिनेगर यांचा वापर येथील पदार्थांना खास चव देतो. बाजार, समुद्रकिनारे आणि रस्त्यांवरील गाड्यांवर हे पदार्थ सहज उपलब्ध होतात, विशेषतः मापुसा, पणजी आणि मार्गाव येथे. गोव्याच्या स्ट्रीट फूडचा आनंद घेण्यासाठी स्थानिक मसाल्यांच्या चवींचा अनुभव घेणे आवश्यक आहे.
गोव्यातील मिसळ पाव हा एक लोकप्रिय आणि चविष्ट नाश्ता आहे. मसालेदार उसळ आणि पावसोबत दिला जाणारा हा पदार्थ गोव्यात वेगळ्याच अंदाजात मिळतो. त्यानंतर येतो गडबड आइस्क्रीम – फालुदा, शेवई, जेली, ड्रायफ्रूट्स यांचं मिश्रण असलेलं हे थंडगार आइस्क्रीम एका मोठ्या ग्लासमध्ये साकारलं जातं आणि खवय्यांची विशेष पसंती मिळते.
फ्रँकी हे उत्तर गोव्याचं अजून एक प्रसिद्ध स्ट्रीट फूड आहे. यात विविध प्रकारचं स्टफिंग – भाज्या, चिकन, अंडी, इत्यादींचा वापर केला जातो. चालत खाण्यासाठी ही सोपी व चवदार डिश आहे. रोझ ऑम्लेट पाव ही खास गोव्यात मिळणारी डिश आहे – मसालेदार ग्रेव्हीमध्ये ऑम्लेट आणि सोबत गरम पाव दिला जातो.
याशिवाय फिश थाळी हा देखील एक महत्त्वाचा पर्याय आहे. यात फिश करी, तळलेले मासे, भात, रोटी, लोणचं आणि भाज्यांचा समावेश असतो. हे सगळं स्ट्रीट फूड तुमच्या गोवा ट्रिपचा अनुभव अविस्मरणीय बनवतील. गोव्यातील फिश करी किंवा क्षिती कोडी हे मुख्य आहार आहे, गोव्यात फिश करी बनवताना नारळाचे दूध आणि विविध मसाले वापरतात. गोव्यात गेलात, तर हे पदार्थ नक्की ट्राय करा!
