महाराष्ट्रातील विधानसभा निवडणूक तोंडावर येऊन ठेपली आहे. राज्यात एकाच टप्प्यात २० नोव्हेंबर रोजी मतदान पार पडत आहे. त्यापूर्वी महाराष्ट्रात प्रचाराची रणधुमाळी सुरु झाली आहे. त्यातच आता सध्या महाविकासआघाडीमध्ये (Mahavikas Aghadi) बिघाडी झाल्याचे चित्र पाहायला मिळत आहे. दक्षिण सोलापूर विधानसभा मतदारसंघात महाविकासआघाडीमध्ये उमेदवारीवरुन मोठा वाद निर्माण झाला होता. यामुळे काँग्रेसचे नेते नाराज झाले होते. आता ठाकरे गटाचे प्रमुख उद्धव ठाकरे यांनी काँग्रेसच्या पदाधिकाऱ्यांना प्रचारात सहभागी होण्याचे आवाहन केले आहे. उद्धव ठाकरेंच्या भेटीला त्यानंतर आता काँग्रेसचे अनेक नेते हे दाखल झाले आहेत.
Mahavikas Aghadi नेमकं काय घडतंय?
काँग्रेसच्या दिलीप माने यांना डावलून दक्षिण सोलापूर विधानसभा मतदारसंघात ठाकरे गटाचे अमर पाटील यांना उमेदवारी देण्यात आली आहे. मात्र या उमेदवारीमुळे महाविकास आघाडीमध्ये वाद निर्माण झाला होता. यामुळे काँग्रेसच्या खासदार प्रणिती शिंदे यांच्यासह अनेक कार्यकर्ते पदाधिकारी हे नाराज झाले होते. ते प्रचारात सहभागीही होत नव्हते. यानंतर उद्धव ठाकरे यांनी काल भाषणादरम्यान काँग्रेस खासदार प्रणिती शिंदेना प्रचारात सहभागी होण्याचे आवाहन केले होते.
निवडून येताच बैलगाडा शर्यतीच्या घाटाचे काम मार्गी लावणार; वळसे पाटलांची मोठी ग्वाही
यानंतर आता सोलापूर काँग्रेस शहराध्यक्ष चेतन नरोटे हे उद्धव ठाकरेंच्या भेटीसाठी दाखल झाले आहेत. काल दक्षिण सोलापूरच्या सभेत उद्धव ठाकरेंनी काँग्रेसच्या खासदार प्रणिती शिंदे यांना प्रचारात सहभागी होण्याचे आवाहन केले होते. त्यानंतर चेतन नरोटे हे उद्धव ठाकरेंच्या भेटीसाठी दाखल झाले आहेत. सध्या सोलापुरात प्रणिती शिंदे हा नसल्याने शहराध्यक्ष चेतन नरोटे हेत्यांच्यावतीने भेटीसाठी दाखल झाले आहेत.
Mahavikas Aghadi काँग्रेस नेते उद्धव ठाकरेंच्या भेटीला
यानंतर आता काँग्रेसचे पंढरपूरचे उमेदवार भगीरथ भालके हे देखील उद्धव ठाकरे यांच्या भेटीसाठी दाखल झाले आहेत. उद्धव ठाकरे यांनी महाविकासआघाडीच्या सर्वच नेत्यांना महाविकास आघाडीचे काम करण्याचे आवाहन केले होते. उद्धव ठाकरेंच्या आवाहनानंतर महायुतीतील नेते उद्धव ठाकरेंच्या भेटीसाठी दाखल व्हायला सुरुवात झाली आहे. सध्या महेश कोठे राष्ट्रवादी शरद पवार गटाचे उमेदवार, काँग्रेसचे शहराध्यक्ष आणि सोलापूर मध्यचे उमेदवार चेतन नरोटे, पंढरपूरचे उमेदवार भगीरथ भालके ठाकरेंच्या भेटीसाठी दाखल झाले आहेत.
