मराठा आरक्षणाच्या (Maratha Reservation) मागणीसाठी सुरू असलेला लढा आता पुन्हा एकदा राजधानी मुंबईत दाखल झाला आहे. आज (29 ऑगस्ट 2025) पहाटेच मोठ्या संख्येने कार्यकर्त्यांसह मुंबईत मराठा समाजाचे नेते मनोज जरांगे पाटील (Manoj Jarange Patil) हे दाखल झाले असून, ते आझाद मैदानावर (Azad Maidan) ठिय्या आंदोलन छेडणार आहेत. या आंदोलनाला राज्यभरातून आरक्षणाच्या मागणीसाठी आलेल्या आंदोलकांनी उपस्थिती लावली (Breaking News) आहे.
मोठ्या प्रमाणात पोलीस बंदोबस्त आझाद मैदान परिसरात यासाठी करण्यात आला आहे. तर, अनेक ठिकाणी गर्दी लक्षात घेता शहरातील वाहतुकीत बदल करण्यात आले आहेत.
Maratha Reservation वाहतुकीत बदल – पोलिसांचा आदेश
पोलिसांनी दिलेल्या माहितीनुसार, मराठा क्रांती मोर्चा बीडहून निघून नवी मुंबईमार्गे, सायन–पनवेल हायवे आणि पांजरपोळ मार्गे आझाद मैदानात दाखल होणार आहे. मोठ्या प्रमाणात आंदोलक पायी, मोटारसायकल, कार, टेम्पो, ट्रक आदी वाहनांनी मुंबईत पोहोचतील. त्यामुळे वाहतुकीवर निर्बंध घालण्यात आले आहेत.
1) वाहनांना वाशीवरून साऊथ बॉण्डने पांजरपोळ–फिवे दिशेने जाणाऱ्या प्रवेश बंद.
2) ट्रॉम्बे दिशेला वीर जिजाबाई भोसले मार्गावरून जाणाऱ्या वाहनांना बंदी.
3) छेडानगर वरून फिवेला जाणाऱ्या सर्व वाहनांना बंदी.
Maratha Reservation पर्यायी मार्ग
1) वाशीवरून येणारी वाहने मानखुर्द टी-जंक्शन ब्रीजवरून स्लीप रोडने उजवीकडे वळून वीर जिजाबाई भोसले मार्गाने आयओसी जंक्शन–छेडानगर मार्गे शहरात प्रवेश करू शकतील.
2) घाटकोपर–मानखुर्द लिंक रोडने ट्रॉम्बे किंवा फिवेला जाणारी वाहने छेडानगर मार्गे मुंबईत प्रवेश करतील.
3) छेडानगरवरून फिवेला जाणारी वाहने उजवे वळून अमरमहल–नेहरूनगर ब्रीज–सुमननगर जंक्शनमार्गे डॉ. बाबासाहेब आंबेडकर मार्गावरून पुढे जाऊ शकतील.
Maratha Reservation आंदोलनाची पार्श्वभूमी
मनोज जरांगे पाटील यांनी यापूर्वीही अनेकदा राज्य सरकारला आरक्षणाच्या प्रश्नावर धडक दिली आहे. मात्र ठोस तोडगा निघत नसल्याने त्यांनी पुन्हा एकदा थेट मुंबई गाठत आंदोलनाचा मार्ग स्वीकारला आहे. त्यांच्या या आंदोलनाकडे संपूर्ण राज्याचे लक्ष लागले आहे.
