रविवारी (24 आगस्ट) अडचणींचा सामना मुंबई लोकलने (Mumbai Local) प्रवास करणाऱ्या प्रवाशांना करावा लागणार आहे. विविध अभियांत्रिकी व देखभालीची कामे करण्यासाठी रेल्वेने मेगा ब्लॉक (Mega Block) रविवारी (दि. २४ ऑगस्ट)घोषित केला आहे.
Mega Block माटुंगा–मुलुंड धीम्या मार्गावर ब्लॉक
सकाळी ११.०५ वाजेपासून दुपारी ३.५५ वाजेपर्यंत माटुंगा ते मुलुंड दरम्यान अप आणि डाऊन धीम्या मार्गावर ब्लॉक राहील.
सकाळी १०.१४ ते दुपारी ३.३२ या वेळेत छत्रपती शिवाजी महाराज टर्मिनस येथून सुटणाऱ्या डाऊन धीम्या मार्गावरील गाड्या माटुंगा–मुलुंडदरम्यान जलद मार्गावर वळवल्या जातील. या गाड्या शीव, कुर्ला, घाटकोपर, विक्रोळी, भांडूप आणि मुलुंड स्थानकांवर थांबतील. मुलुंडनंतर या गाड्या पुन्हा धीम्या मार्गावर येतील. गाड्या नियोजित वेळेपेक्षा सुमारे १५ मिनिटे उशिरा धावतील.
ठाणे येथून सुटणाऱ्या अप धीम्या मार्गावरील गाड्याही सकाळी ११.०७ ते दुपारी ३.५१ या वेळेत दरम्यान जलद मार्गावर मुलुंड–माटुंगा वळवल्या जातील. या गाड्यांना मुलुंड, भांडूप, विक्रोळी, घाटकोपर, कुर्ला आणि शीव स्थानकांवर थांबा असेल. माटुंग्यापासून गाड्या पुन्हा धीम्या मार्गावर वळवल्या जातील. या गाड्याही सुमारे १५ मिनिटे उशिरा पोहोचतील.
Mega Block ट्रान्स-हार्बर मार्गावर ब्लॉक
प आणइ डाऊन ट्रान्स-हार्बर मार्गावर सकाळी ११.१० ते संध्याकाळी ४.१० या वेळेत अ ठाणे–वाशी/नेरुळ स्थानकांदरम्यान ब्लॉक घेण्यात येईल. ठाणे व वाशी/नेरुळदरम्यान सर्व सेवा या काळात बंद राहतील.
सकाळी १०.३५ ते दुपारी ४.०७ या वेळेत वाशी/नेरुळ/पनवेलकडे जाणाऱ्या गाड्या ठाणे येथून सुटणाऱ्या रद्द राहतील.
पनवेल/नेरुळ/वाशी येथून सकाळी १०.२५ ते दुपारी ४.०९ या वेळेतसुटणाऱ्या ठाण्याकडे जाणाऱ्या गाड्याही रद्द राहतील.
दरम्यान, रेल्वे प्रशासनाने सांगितले की, पायाभूत सुविधा दुरुस्ती आणि सुरक्षिततेसाठी हे मेगा ब्लॉक आवश्यक आहेत. प्रवाशांना होणाऱ्या गैरसोयीबद्दल प्रशासनाने दिलगीरी व्यक्त केली.
