चांगलाच दादर येथील कबूतरखान्याचा वाद चिघळला (Dadar Kabutar Khana) होता. मुंबई उच्च न्यायालयानेकबूतरखाना बंद करण्याचे (Mumbai High Court) आदेश दिले होते. माणसांना कबूतरांच्या विष्ठेमुळे आजारांचा धोका निर्माण होत असल्याचे न्यायालयाने निरीक्षण नोंदवलं होतं. आता मोठी अपडेट या प्रकरणात मिळाली आहे. 13 जणांची तज्ज्ञ समिती मुंबई उच्च न्यायालयाच्या आदेशानुसार मानवी आरोग्यावर कबूतरांचा परिणाम तपासण्यासाठी गठीत करण्यात आली आहे.
13 ऑगस्ट रोजी मुंबई उच्च न्यायालायाने दिलेल्या आदेशानुसार ही समिती गठीत करण्यात आली आहे. आता या समितीने कामकाजास सुरुवात करणार आहे. पहिल्या बैठकीपासून तीस दिवसांच्या आत अहवाल शासनाला सादर करणे अपेक्षित आहे. या समितीत सार्वजनिक आरोग्य, पर्यावरण, पशुवैद्यकीय, विज्ञान, सूक्ष्मजीवशास्त्र, फुप्फुसतज्ज्ञांच समावेश आहे.
Dadar Kabutar Khana समितीत कोणाची नियुक्ती
या समितीत सार्वजनिक आरोग्य सेवेचे संचालक विजय कंदेवाड या समितीचे अध्यक्ष आहेत. नगररचना विभागाचे संचालक जितेंद्र भोपळे सहसचिव आहेत. तसेच बॉम्बे नॅचरल हिस्ट्री सोसायटीचे किशोर रिठे, एम्स नागपूरचे विभागप्रमुख डॉ. प्रदीप देशमुख, पशुसंवर्धन विभागाचे उपायुक्त डॉ. शिवाजी पवार, प्राणी कल्याण मंडळाचे सचिव डॉ. एसके दत्ता, फुप्फुसरोग तज्ज्ञ डॉ. सुजित रंजन व डॉ. अमिता आठवले, रोगप्रतिकारशक्ती तज्ज्ञ डॉ. मनिषा मडकईकर, पशुवैद्यकीय सार्वजनिक आरोग्यशास्त्र विभागाचे प्रा. डॉ. आरजे झेंडे, सूक्ष्मजीवशास्त्र विभागाच्या सहयोगी प्रा. डॉ. शिल्पा पाटील आणि मुंबई महापालिका आरोग्य अधिकारी दक्षा शाहसदस्य आहेत.
Dadar Kabutar Khana समिती नेमकं काय करणार
कबुतरांना सार्वजनिक ठिकाणी खायला दिल्याने आरोग्यावर काय परिणाम होऊ शकतो याचा अभ्यास समिती करणार आहे. कबुतरांच्या विष्ठेचा माणसांच्या आरोग्यावर काय परिणाम होतो तसेच कबुतरांना नियंत्रित पद्धतीने अन्न देण्याची शक्यता आणि त्याचे परिणाम या गोष्टींचा समिती अभ्यास करणार आहे. या संबंधित एक नियमावली समिती तयार करील. याचिकाकर्त्यांकडून मिळालेल्या निवेदनांचा अभ्यास करण्याचेही काम समिती करणार आहे.
