महाराष्ट्रात बैल पोळा आज शुक्रवा (दि. 22 ऑगस्ट 2025) सर्वत्र (Bail Pola 2025) साजरा होत आहे. बैल पोळा हा सण शेतकऱ्यांसाठी महत्त्वाचा आणि आनंदाचा मानला जातो. या दिवशी श्रावण महिना समाप्त होतो. (Farmer) हा दिवस वर्षभर शेतामध्ये काम करणाऱ्या बैलांप्रती प्रेम आणि जिव्हाळा व्यक्त करण्याचा आहे. हा सण शेतकरी मोठ्या उत्साहात भारतामध्ये विविध भागामध्ये साजरा करतात. हा सण प्रामुख्याने महाराष्ट्र, मध्यप्रदेश, छत्तीसगड, विदर्भ, तेलंगणा आणि काही दक्षिणेकडील भागात साजरा होतो. याला पिठोरी अमावस्या किंवा पोल्या असंही म्हणतात.
Bail Pola 2025 काय आहे या दिवसाचं महत्त्व, पौराणिक कारण जाणून घ्या..
बैलपोळा का साजरा करतात?
बैलांचे महत्त्व
शेतीमध्ये बैल हे शेतकऱ्याचे मुख्य साथीदार असतात. नांगरणी, पेरणी, वाहतूक यासाठी बैलांचा उपयोग होतो. पोळा त्यांचं परिश्रम मान्य करून, त्यांना मान देण्यासाठी साजरा केला जातो.
कृतज्ञतेचा सण
जसे आपण दिवाळीला घर-देवता, होळीला अग्नी, तसा पोळा हा बैलांसाठी असतो. आपली कृतज्ञता शेतकरी व्यक्त करण्यासाठी हा सण साजरा करतो.
बैलांची पूजा
या दिवशी बैलांना स्नान घालतात, त्यांना तेल लावतात, शिंगांना रंगवतात, झगमगते हार-फुले, गळ्यात माळ घालतात. गोड खाऊ त्यांना घालतात.
समृद्धीची प्रार्थना
शेतकरी बैलांची पूजा करून समृद्ध पिकं, चांगले आरोग्य आणि कष्टाची योग्य फळे मिळावीत यासाठी प्रार्थना करतो.
पौराणिक कारण
असेही मानतात की, भगवान शंकराचे वाहन नंदीबैल आहे. त्यामुळे बैलाची पूजा केली की शिवाची कृपादृष्टी मिळते.
Bail Pola 2025 बैल पोळा दिवशी केले जाणारे विधी आणि उपाय
बैलांना स्नान घालणे
सकाळी लवकर बैलांना नदीत, विहिरीत किंवा घराजवळ पाण्याने स्नान घालतात. त्यानंतर त्यांना तेल लावले जाते.
शिंगे सजवणे
शिंगांना रंगीत पावडर, पेंट किंवा आकर्षक कापडाने सजवतात. काही ठिकाणी सोन्याचे/चांदीचे कळसही लावतात.
पूजा आणि हळदीकुंकू
बैलांच्या कपाळी कुंकवाचा टिळा लावून, हार-फुले, माळा घालतात. त्यांना अगरबत्ती, ओवाळणी करून गोड पदार्थ खाऊ घालतात.
विश्रांतीचा दिवस
या दिवशी बैलांना शेतात कामाला जुंपत नाहीत. त्यांना विश्रांती दिली जाते.
मिरवणूक
गावोगावी सजवलेल्या बैलांची मिरवणूक काढली जाते. ढोल-ताशे, नाच-गाणी यामध्ये लोक सहभागी होतात.
Bail Pola 2025 बैल पोळा दिवशी करायचे उपाय
समृद्धी साठी
-पोळ्याच्या दिवशी तांदुळ, गूळ आणि हळद बैलांच्या पुढे ठेवून अर्पण करावे.
-यामुळे घरात, शेतात समृद्धी येते.
शेतीत चांगले उत्पादन साठी
-बैलांच्या शिंगावर हळदीकुंकवाचा टिळा लावून, सात धान्ये ठेवून पूजा करावी.
-यामुळे पिकात किडीपासून संरक्षण होते असे मानले जाते.
गृहकल्याणासाठी
-बैलांना गोड खाऊ घालून नंतर घरातील सर्वांना तोच प्रसाद वाटावा.
-घरातील कलह दूर होऊन शांती राहते.
