मुंबईकरांच जनजीवन मुसळधार पावसामुळं विस्कळीत झालं असून, (Mumbai Local train) मुंबईची लाईफलाईन समजल्या जाणाऱ्या लोकल ट्रेनलायाचा सर्वात मोठा फटका हा बसल्याच पाहायला मिळत आहे. (Mumbai) मुंबईतील मध्य रेल्वे काल सकाळच्या सुमारास पूर्णपणे ठप्प झाली होती. सकाळी ११.२५ पासून मध्य रेल्वेवरील कुर्ला आणि सायनदरम्यानच्या अप-फास्ट आणि डाउन-फास्ट लोकल बंद ठेवण्यात आली होती तर त्यानंतर सकाळी ११.४५ पासून खबरदारीचा उपाय म्हणून स्लो लोकल सेवाही स्थगित करण्यात आली होती.
मुंबई आणि उपनगरांमध्ये अजूनही पावसाचा जोर कायम आहे. मात्र, रेल्वे सेवा आता काही प्रमाणात पुन्हा एकदा सुरू करण्यात आली आहे. मात्र, ट्रॅकवर साचलेल्या पाण्यांमुळेजरी लोकल पुन्हा सुरू झाली असली तरी देखील अडथळा निर्माण होत असून, अजूनही ट्रेनचं वेळापत्रक कोलमडलेलंच आहे. मुंबई आणि उपनगरामध्ये आज सकाळपासूनच मुसळधार पाऊस सुरू आहे. मध्य रेल्वेची वाहतूक मुसळधार पावसामुळे पूर्णपणे विस्कळीत झाली होती. मुंबईच्या कुर्ला आणि सायन स्थानकादरम्यान रेल्वे रुळावर पाणी साचल्याने लोकल आणि एक्सप्रेस खोळंबल्याचं पाहायला मिळत आहे.
कल्याणच्या रेल्वे स्थानकावर लोकल मुंबईकडे जाणाऱ्या आणि मुंबईकडून येणाऱ्या रद्द केल्यानं प्रवाशी अडकून पडले होते. दरम्यान आता पुन्हा एकदा लोकल सुरू झाली आहे, मात्र वेळापत्रक अजूनही विस्कळीतच आहे, त्यामुळे कल्याणच्या रेल्वे स्टेशनवर प्रवाशांनी गर्दी केली होती. दरम्यान, दुसरीकेड दादरहून बदलापूरडे धीमी लोकल रवाना झाली. मात्र, सायन रेल्वे ट्रॅक अजूनही पाण्याखालीच आहे. मागील 1 तासांपासून बदलापूर लोकल सायन आणि कुर्लाच्या मध्येच अडकल्यानं या मार्गावर प्रवाशांची मोठी गर्दी पाहायला मिळत आहे.
