उन्हाळ्यात घाम (Summer Sweating) येणे ही शरीराची नैसर्गिक प्रक्रिया असून, त्याद्वारे शरीर स्वतःला थंड ठेवते. पण जर प्रखर उष्णतेतही घाम कमी येत असेल किंवा अजिबात येत नसेल, तर ते सामान्य नाही. अनेकजण याला चांगले समजतात, परंतु खरं तर हा गंभीर आजाराचा संकेत असू शकतो.
अशा स्थितीला हायपोहायड्रोसिस (Hypohidrosis) म्हणतात, आणि घाम पूर्णपणे थांबला असेल तर त्याला अँहायड्रोसिस म्हणतात. ही स्वतःची आजार नसून, न्यूरोलॉजिकल विकार (Neurological), त्वचेचे आजार, घामाच्या ग्रंथींची बिघाड, मधुमेह (Diabetes), काही औषधांचे दुष्परिणाम किंवा रेडिएशन थेरपीमुळे निर्माण होणारे लक्षण असू शकते. कधी कधी ही समस्या जन्मजात असते.
घाम कमी येणे म्हणजे शरीराचे तापमान नियंत्रित होण्यात अडथळा येतो. त्यामुळे उष्णता शरीरात अडकते आणि उष्माघात, चक्कर, थकवा, हृदयाचे ठोके वाढणे, ताप अशा समस्या निर्माण होऊ शकतात. हे बदल हळूहळू होऊ शकतात किंवा अचानकही जाणवू शकतात.
उपाय म्हणून, ही समस्या नेमकी कधी आणि कशामुळे उद्भवते हे ओळखणे महत्त्वाचे आहे. लक्षणांसह घाम कमी येत असल्यास त्वरित डॉक्टरांचा सल्ला घ्यावा. रक्त तपासणी, त्वचेची चाचणी किंवा औषधांचे पुनरावलोकन करून योग्य उपचार केले जातात. लक्षात ठेवा घाम येणे ही केवळ अस्वस्थ करणारी गोष्ट नाही, तर आरोग्यासाठी आवश्यक प्रक्रिया आहे. त्यात होणारा कोणताही बदल दुर्लक्षित करू नका.
