लाडकी बहीण योजनेने (Ladki Bahin Yojana) राज्यात देवाभाऊचे सरकार आले, हे सत्ताधारी सगळेच मान्य करतात. काल राखी पौर्णिमेच्या कार्यक्रमात मुख्यमंत्र्यांनी सुद्धा लाडक्या बहिणींचे आभार मानले. पुढील 5 वर्षे त्यांनी ही योजना कायम राहील अशी ग्वाही सुद्धा दिली. तर योजनेत या योजनेत ज्यांनी घुसखोरी केली, अनुदान त्यांचे थांबवण्यात आल्याचे त्यांनी स्पष्ट केले. पण लाडक्या बहिणींना मानधनाची रक्कम दुप्पट कधी होणार याची प्रतिक्षा आहे. मुख्यमंत्र्यांनी त्यावरीही त्यांचे मत व्यक्त केले.
Ladki Bahin Yojana कधी होणार दुप्पट हप्ता?
गेल्यावर्षी ऑगस्ट महिन्यापासून लाडकी बहीण योजना राज्यात सुरू झाली. सुरुवातीला ही योजना सरसकट सर्वच महिलांसाठी लागू करण्याचे आश्वासन देण्यात आले. 1500 रुपये मानधनाची घोषणा झाली. तर विधानसभा निवडणूक दृष्टीटप्प्यात येताच मानधन 3000 रुपये करण्याचे सुद्धा जाहीर करण्यात आले. राज्याच्या तिजोरीत मोठी गंगाजळी असल्याचा दावा करण्यात आला होता. पण सरकार सत्तेवर आल्यावर या योजनेला मापदंड लागले. निकष जाहीर झाले. त्यात अनेक महिला बाद झाल्या. तर मानधन दुप्पटीचे काय झाले हा प्रश्न सतत विचारण्यात येत होता. त्यावर मुख्यमंत्री देवेंद्र फडणवीस यांनी काल उत्तर दिले. योग्यवेळी लाडकी बहीण योजनेचे पैसे वाढवणार असे आश्वासन त्यांनी दिले. आता ती योग्य वेळ कधी येते याची वाट मात्र बहिणींना पाहावी लागेल, हे सूर्यप्रकाशा इतकं स्वच्छ आहे.
Ladki Bahin Yojana त्या घुसखोर भावांचे थांबवले अनुदान
काही भावांनी या योजनेत घुसखोरी केल्याचे उघड झाल्याने एकच खळबळ उडाली होती. त्यावर मुख्यमंत्र्यांनी मत व्यक्त केलं. दुरुपयोग करणाऱ्यांचे मानधन या योजनेचा थांबवण्यात आल्याचे ते म्हणाले. काहींनी योजनेसाठी थेट दुचाकीचा फोटो लावल्याचा किस्सा ही त्यांनी सांगितला. जिल्हाधिकाऱ्यांना प्रत्येकाची पडताळणी करण्याचे आदेश देण्यात आले आहेत. तर बहिणी पात्र असलेल्या डावल्या असतील, तर योजनेचा लाभ त्यांना लवकरच देण्यात येईल असे ते म्हणाले.
Ladki Bahin Yojana 25 लाख लखपतीदीदी
25 लाख लखपतीदीदी राज्यातील बचत गटांद्वारे तयार झाल्या आहेत. यंदा आणखी 25 लाख लखपतीदीदी होतील. ही संख्या एक कोटींच्या पुढील काही वर्षांत घरात जाईल. महाराष्ट्र लखपतीदीदी योजनेत देशात अव्वल असल्याचे मुख्यमंत्री म्हणाले. पहिल्या टप्प्यात महिला बचत गटाच्या उत्पादनांना कायमस्वरुपी बाजारपेठ मिळावी यासाठी 10 मॉल उभारण्यात येणार असल्याचे त्यांनी सांगितले.
