श्रावण महिन्यात ओव्हलच्या मैदानात टीम इंडियाने (Team India) इंग्लंडविरुद्ध (England) मिळवलेला ऐतिहासिक विजय एक खास क्षण ठरला. त्या रोमांचक शेवटाच्या कसोटीत भारताने अवघ्या काही धावांनी सामना जिंकत सीरिज बरोबरीत राखली. पण या सामन्याचं सर्वाधिक लक्ष वेधून घेतलं ते म्हणजे हेड कोच गौतम गंभीर यांचं भन्नाट सेलिब्रेशन!
सामना संपताच गंभीरने थेट बॉलिंग कोच मॉर्ने मॉर्केल यांच्या खांद्यावर उडी घेतली. त्यांच्या चेहऱ्यावरचा आनंद, ड्रेसिंग रूममधला (Dressing Room) जल्लोष, खेळाडूंशी गळाभेट. हे सगळं या विजयाचं वेगळेपण दाखवून देत होतं. गंभीरने इतकं जबरदस्त सेलिब्रेशन याआधी कधीच केलं नव्हतं.
त्याच्या पत्नी नताशाने (Natasha) इन्स्टाग्राम स्टोरीवर लिहिलं “हा विजय त्यांच्या अपार विश्वासाचा आहे. त्यांच्यासाठी सामना कधीच संपलेला नव्हता, तो शेवटचा चेंडू पडेपर्यंत.” गंभीरच्या मार्गदर्शनाखाली भारताने आतापर्यंत 8 कसोट्या गमावल्या असल्या, तरी हा तिसरा कसोटी विजय त्यांच्यासाठी फार मोलाचा ठरला.
गौतम गंभीरसाठी हा विजय केवळ आकडेवारी नव्हती. तो त्यांच्या मेहनतीचा, संयमाचा आणि टीमवरच्या नितांत श्रद्धेचा साक्षीदार ठरला. हेच कारण आहे की, त्यांनी थेट खांद्यावर चढून आनंद व्यक्त केला.
