केंद्रीय मंत्री नितीन गडकरी (Nitin Gadkari) यांच्या नागपूरमधील घराला थेट बॉम्बने उडवण्याची धमकी ही देण्यात आली आहे. यामुळे मोठी खळबळ उडाली आहे. गडकरींच्या घराची सुरक्षा आता वाढण्यात आली आहे. यामुळे मोठी खळबळ उडाली. गडकरींच्या घराची सुरक्षा आता वाढण्यात आलीये. पोलिस नियंत्रण कक्षाला हा धमकीचा फोन आला आहे. या फोननंतर खळबळ उडाली. अधिक माहिती मिळालेली अशी की, पोलिस नियंत्रण कक्षाच्या 112 क्रमांकावर रविवारी सकाळी 8:46 वाजता फोन आला आणि थेट गडकरी यांच घर बॉम्बने उडवून टाकणार असल्याचे म्हटले.
स्थानिक पोलिसांना या धमकीच्या फोननंतर याबाबतची माहिती देण्यात आली. प्रताप नगर पोलिसांनी धमकीच्या फोननंतर नियंत्रण कक्षाला कॉल आल्यानंतर अज्ञात व्यक्तींविरुद्ध गुन्हा दाखल करून तपास सुरू केला आहे. पोलिस आणि श्वान पथक गडकरी यांच्या घरात शोध मोहीम राबवत आहेत. यादरम्यान मोठा पोलिस बंदोबस्त ठेवण्यात आला. प्रत्येक बारीक गोष्टीवर पोलिसांची नजर आहे.
Nitin Gadkari धमकीचा फोन येताच तपास यंत्रणांची धावपळ
सर्वात धक्कादायक बाब म्हणजे केंद्रीय मंत्री नितीन गडकरी हे नागपूरमध्ये असतानाच असा धमकीचा फोन आल्याने खळबळ माजली आहे. नितीन गडकरी हे सध्या त्यांच्या नागपूरच्या निवासस्थानी आहेत. गडकरींच्या घराबाहेर छावणीचे स्वरूप प्राप्त झालंय. पोलिस दलातील अनेक मोठ्या अधिकाऱ्यांनी गडकरींच्या घराकडे देखील धाव घेतली. आजुबाजूच्या परिसराचा तपास कसून केला जात आहे.
