विरोधकांकडून महाराष्ट्र विधानसभा निवडणुकीनंतर ईव्हीएममध्ये छेडछाड करण्यात येत असल्याचा आरोप करण्यात येत आहे. मात्र निवडणूक आयोगाकडून ईव्हीएम छेडछाड अशक्य असल्याचा स्पष्टीकरण देण्यात आले आहे.महाराष्ट्र विधानसभेच्या 2024 च्या सार्वत्रिक निवडणुकांनंतर निवडणूक आयोगाने करण्यात आलेल्या सर्व यंत्रे ईव्हीएम (EVM) तपासणी व पडताळणी प्रक्रियेत योग्य स्थितीत असल्याचे स्पष्ट केले आहे.
17 जून 2025 च्या सूचनांनुसार आयोगाच्या ,10 उमेदवारांच्या विनंतीनुसार 10 विधानसभा मतदारसंघांमधील मतदार युनिट (BU), नियंत्रण यंत्र (CU) व व्हीव्हीपॅट (VVPAT) यांची तपासणी राज्याचे मुख्य निवडणूक अधिकारी एस.चोक्कलिंगम यांनी केली. सर्व यंत्रांनी निदान चाचण्या उत्तीर्ण केल्या व व्हीव्हीपॅट स्लिप आणि ईव्हीएम निकालात कोणताही फरक आढळला नाही. 8 उमेदवार किंवा त्यांच्या प्रतिनिधींनी या प्रक्रियेत प्रत्यक्ष उपस्थित राहून तपासणी पाहिली.
दोन उमेदवारांनी उपस्थित राहणे टाळले. (कोपरी-पाचपाखाडी, ठाणे, खडकवासला, माजलगाव) मायक्रोकंट्रोलर व मेमरी पडताळणीसाठी निदान चाचणी काही मतदारसंघांमध्ये घेण्यात आली.निदान चाचणीबरोबरच मॉक पोल तर पनवेल, अलीबाग, आर्णी, येवला, चंदगड, कोल्हापूर उत्तर आणि उर्वरित माजलगाव येथील यंत्रांवर घेण्यात आला. पुन्हा एकदा स्पष्ट निवडणूक आयोगाने केले की कोणत्याही प्रकारे ईव्हीएममध्ये छेडछाड करता येत नाही. त्यामुळे निकालांबाबत शंका घेण्याचे कारण नाही, असे एका प्रसिद्धीपत्रकाद्वारे भारत निवडणूक आयोगाने सांगितले आहे.
