राज्यात लवकरच स्थानिक स्वराज्य संस्थांच्या निवडणुका (Local Body Elections 2025) सर्वोच्च न्यायालयाने दिलेल्या आदेशानंतर होणार आहे. राजकीय पक्षांनी या निवडणुकांसाठी जोरदार तयारी देखील सुरु केली आहे. मात्र अनेक चर्चांना निवडणुका कधी होणार याबाबत उधाण आले आहे. तर एक मोठी अपडेट दुसरीकडे आता समोर आली आहे. या अपडेटनुसार, राज्य निवडणूक आयोगाची छत्रपती संभाजी नगरमध्ये (Chhatrapati Sambhaji Nagar)स्थानिक स्वराज्य संस्थांच्या निवडणुकीच्या द्दष्टिने आढावा बैठक पार पडली.
सध्या समोर आलेल्या माहितीनुसार, या बैठकीत निवडणूक आयोगाने (Election Commission) उपलब्ध असणाऱ्या मनुष्यबळ आणि साधनसामग्रीचा विचार करण्यात आला आहे. त्यामुळे या निवडणुका एकाच टप्प्यात होणे शक्य नसल्याची माहिती समोर आली आहे. स्थानिक स्वराज्य संस्थांच्या निवडणुका राज्यात दोन ते तीन टप्प्यांमध्ये होण्याची शक्यता आहे. त्यामुळे पंचायत समिती आणि नगर परिषदेची निवडणूक ऑक्टोबर महिन्यात होण्याची शक्यता आहे. तर नोव्हेंबर महिन्यात जिल्हा परिषदेच्या निवडणुका होणार असल्याची सध्या माहिती समोर आली आहे. तर दुसरीकडे डिसेंबर महिन्यात राज्यातील सर्व महापालिकांची निवडणुका होणार आहे.
वार्ड रचना, आरक्षण आणि मतदार याद्या तयार करण्याचे काम सर्वोच्च न्यायालयाने दिलेल्या आदेशानंतर निवडणूक आयोगाकडून सुरु करण्यात आले आहे. निवडणूक आयोगाने टप्प्याटप्प्याने निवडणूका घेण्याची तयारी केली आहे. तर राजकीय पक्षांनी देखील दुसरीकडे जोरदार तयारी सुरु केली आहे. भाजप, शिवसेना शिंदे गट आणि राष्ट्रवादी काँग्रेस अजित पवार गट या निवडणुकांमध्ये महायुती म्हणून निवडणूका लढवणार असल्याचे सांगण्यात येत आहे तर महाविकास आघाडीमधील पक्ष देखील या निवडणूका स्वबळावर लढणार असल्याचे सांगण्यात येत आहे.
