महाराष्ट्र राज्य कबड्डी संघटनेच्या निवडणुकीत आता खासदार शरद पवार (Sharad Pawar) विरुद्ध अजित पवार असा सामना रंगणार का, असा प्रश्न निर्माण होत आहे. कारण शरद पवार यांनी आता मला कबड्डीमध्ये पुन्हा लक्ष घालावे लागेल, असे सूचक विधान केले आहे. विनायक दळवी ज्येष्ठ क्रीडा पत्रकार लिखित कबड्डीतील किमयागार या संदर्भ ग्रंथाच्या दुसऱ्या आवृत्तीच्या प्रकाशन सोहळ्यात शरद पवार यांनी हे विधान केले आहे. राज्य कबड्डी संघटनेत काही लोकांनी चुकीचा मार्ग अवलंबला आहे. ते संस्था आपल्या मुठीत ठेवण्याचा प्रयत्न करत आहेत, असा आरोपही शरद पवारांनी शनिवारी यशवंतराव चव्हाण सेंटरमधल्या सोहळ्यात बोलताना केला आहे. सध्या अध्यक्ष असलेल्या अजित पवारांच्या हातात राज्य कबड्डी असोसिएशनची धुरा असतल्याने शरद पवार विरुद्ध अजित पवार असा सामना होण्याची शक्यता आहे.
Sharad Pawar नेमक काय म्हणाले शरद पवार ?
ज्येष्ठ क्रीडा पत्रकार विनायक दळवी लिखित कबड्डीतील किमयागार या संदर्भ ग्रंथाच्या दुसऱ्या आवृत्तीच्या प्रकाशन सोहळ्यात बोलताना शरद पवार म्हणाले राज्य कबड्डी संघटनेत काही लोकांनी चुकीचा मार्ग अवलंबला आहे. ते संस्था आपल्या मुठीत ठेवण्याचा प्रयत्न करत आहेत. या खेळात लागणारं कसब आहे त्यामध्ये आक्रमण होतंय का काय असं मी म्हणेन. एंकदरीत आता स्थिती ऐकल्यानंतर त्याच्यात लक्ष घालण्याची परिस्थिती आली आहे, असंही शरद पवार यांनी म्हटलं आहे.
Sharad Pawar अध्यक्षपदी अजित पवार
28 वर्षे महाराष्ट्र राज्य कबड्डी असोसिएशनचे अध्यक्षपद शरद पवार यांनी सांभाळले होते. सध्या उपमुख्यमंत्री अजित पवार हे महाराष्ट्र कबड्डी असोसिएशनच्या अध्यक्षपदी आहेत.आता अध्यक्षपद हे अजित पवारांकडे आहे, त्यामुळे शरद पवार यांच्या बोलण्याचा रोख अजित पवार यांच्याकडे असल्याच्या चर्चां रंगत आहेत.
