दिल्ली-एनसीआरमध्ये भूकंपाचे (Earthquake) जोरदार धक्के जाणवले. सुमारे १० सेकंद भूकंपाचे धक्के जाणवले. गुरुवारी सकाळी ९.०४ वाजता भूकंपाचे धक्के बसले. दिल्ली, नोएडा, गाझियाबाद, गुरुग्राम, फरीदाबाद, रोहतक, हिसार आणि सोनीपत या परिसरात हे धक्के जाणवले. भूकंपाचे केंद्र हरियाणातील झज्जर असल्याचे सांगितले जात आहे. रिश्टर स्केलवर त्याची तीव्रता ४.४ होती.
भूकंप खूपच सौम्य होता. बहुतेक लोकांना तो समजू शकला नाही. परंतु काही घरे आणि दुकानांमध्ये बसलेल्या लोकांना दारे आणि खिडक्या हलताना दिसला. त्यामुळे त्या लोकांना भूकंप जाणवला. यानंतर लोकांनी एकमेकांना माहिती शेअर केली. सोशल मीडियातून ही माहिती वेगाने व्हायरल झाली. यापूर्वी १२ मे रोजी उत्तर प्रदेश आणि बिहारमधील अनेक शहरांमध्ये भूकंपाचे धक्के जाणवले होते. त्यादरम्यान लोकांनी सोशल मीडियावर त्यांचे अनुभव शेअर केले. काहींनी सौम्य भूकंपांबद्दल बोलले, तर काहींनी ते भयानक म्हटले.
दिल्ली हिमालयाच्या जवळ आहे. भारत आणि युरेशिया सारख्या टेक्टोनिक प्लेट्सच्या संमेलनातून तयार झालेली असल्याने, पृथ्वीच्या आत प्लेट्सच्या हालचालीचा फटका दिल्लीला सहन करावा लागतो. म्हणूनच, नेपाळ आणि तिबेटचे परिणाम भारतावर होतात. म्हणूनच, या भागात भूकंप देखील दिल्लीला हादरवतात.
Earthquake भूकंप का येतो?
पृथ्वीचा बाह्य पृष्ठभाग हा १५ मोठ्या आणि लहान प्लेट्सने बनलेला आहे. या प्लेट्स स्थिर आहेत, असे नाही. त्या प्लेट्स इकडे तिकडे खूप हळू फिरतात. जेव्हा या प्लेट्स एकमेकांवर समोरासमोर फिरताना एकमेकांवर घासल्या जातात तेव्हा भूकंप होतो.
