अखेर पहिल्यांदाच आरसीबीने (RCB) 17 वर्षांच्या प्रतीक्षेनंतर आयपीएल ट्रॉफी जिंकली आहे. त्यामुळे संघासाठीच हा क्षण केवळ नाही, तर आरसीबीच्या चाहत्यांसाठीही खूप भावनिक(IPL 2025) होता. विराट कोहलीचे (Virat Kohli) डोळे ट्रॉफी जिंकल्यानंतर पाणावले होते. त्याला 17 वर्षांपासून वाट पाहत असलेला आनंदही मिळाला. अखेर आरसीबीने आयपीएल ट्रॉफी जिंकली. अशा परिस्थितीत, या सेलिब्रेशनचे फोटो देखील चाहत्यांच्या नेहमीच लक्षात राहणार आहेत.
IPL 2025 कोहली भावुक झाला
रॉयल चॅलेंजर्स बंगळुरूने 17 वर्षांनी आयपीएल ट्रॉफी जिंकली आहे. यादरम्यान विराट कोहली भावुक झाला आणि मैदानावर रडू लागला. यानंतर त्याने पत्नी अनुष्का शर्माला मिठी मारली. सामना संपण्यापूर्वीच कोहलीच्या डोळ्यातून आनंदाश्रू वाहू लागले. 20 व्या षटकात कोहली भावुक झाला आणि रडू लागला. यानंतर, सामना जिंकल्यानंतर संपूर्ण संघाने कोहलीला मिठी मारली.
IPL 2025 फोटो सोशल मीडियावर व्हायरल
सामना संपल्यानंतरही कोहली भावुक झाला होता. तो रडत त्याची पत्नी अनुष्का शर्माकडे गेला. त्यानंतर कोहलीने अनुष्काला मिठी मारली. ज्याचा फोटो सोशल मीडियावर व्हायरल होत आहे. कोहली भावनिक होणे स्वाभाविक आहे. कोहली १७ वर्षांपासून या संघासोबत ट्रॉफीची वाट पाहत होता. 18 व्या हंगामात ती पूर्ण झाली. या हंगामात कोहलीने त्याच्या संघासाठी उत्कृष्ट कामगिरी केली.
IPL 2025 कोहली तिसऱ्या क्रमांकावर
या हंगामात सर्वाधिक धावा काढण्याच्या बाबतीत कोहली तिसऱ्या क्रमांकावर होता. कोहलीने 15 सामन्यांमध्ये 54.75 च्या सरासरीने 657 धावा केल्या. या काळात कोहलीने 8 अर्धशतकेही झळकावली. या काळात त्याचा स्ट्राइक रेट 144.71 होता. कोहलीने अंतिम सामन्यात पंजाबविरुद्धही शानदार फलंदाजी केली. तो त्याचे 9 वे अर्धशतक फक्त 7 धावांनी हुकला. 35 चेंडूत 43 धावांची महत्त्वाची खेळी यादरम्यान कोहलीने केली.
IPL 2025 विजयाचा आनंद
कुटुंबासह हार्दिक पंड्याचा भाऊ कुणाल पंड्या देखील त्याच्या विजयाचा आनंद साजरा करताना दिसला. आरसीबी संघाने पूर्ण उत्साहात विजय साजरा केला. अहमदाबादमधील नरेंद्र मोदी स्टेडियमवर खेळल्या गेलेल्या आयपीएल फायनलमध्ये रॉयल चॅलेंजर्स बंगळुरू (RCB) ने पंजाब किंग्ज (PBKS) ला रोमांचक पद्धतीने 6 धावांनी पराभूत केले. हा विजय फक्त विराट कोहली, रजत पाटीदार किंवा कृणाल पंड्या यांचा नाही. हा विजय प्रत्येक चाहत्याचा आहे, ज्यांनी पराभवानंतरही दुसऱ्या दिवशी सकाळी आरसीबीची जर्सी घातली होती.
