गेल्या काही दिवसांपासून छत्रपती संभाजीनगरमधील (Nagpur Violence) खुलताबाद येथे असलेल्या औरंगजेबाची कबर हटवण्यावरुन राजकारण तापले आहे. महाराष्ट्रातून औरंगजेबाची कबर हटवा अन्यथा बाबरीची पुनरावृत्ती होईल, असा इशारा विश्व हिंदू परिषदेसह बजरंग दलाकडून देण्यात आला आहे. त्यातच नागपुरात दोन दिवसांपूर्वी मोठा हिंसाचार उफाळला. नागपुरात दोन गटांमध्ये झालेल्या राड्यानंतर जाळपोळ, तोडफोड करण्यात आली. आता नागपुरातील या संपूर्ण हिंसाचारामागे नेमकं कोण आहे, याचा नाव पहिल्यांदाच समोर आले आहे.
पोलिसांनी दिलेल्या माहितीनुसार, नागपूरमध्ये झालेल्या हिंसाचाराचा मास्टरमाईंडचे नाव पहिल्यांदा समोर आले आहे. नागपुरात झालेल्या हिंसाचारामागे फहीम खान असल्याचा दावा पोलिसांनी केला आहे. फहीम खान याने लोकांना भडकवण्याचे काम केले. त्यानंतर ही हिंसा घडली. नागपूरमधील गणेशपेठ पोलिस ठाण्यात नोंदवलेल्या दुसऱ्या तक्रारीमध्ये उघड झाले आहे. फहीम खान हा मायनॉरिटी डेमोक्रॅटिक पार्टी (एमडीपी) शहराध्यक्ष आहे.
Nagpur Violence नागपूर हिंसाचारामागे कोण?
गेल्या काही दिवसांपासून छत्रपती संभाजीनगर (Aurangabad) येथील खुलताबादमध्ये औरंगजेबाच्या कबरीवरून वाद सुरु आहे. विश्व हिंदू परिषद आणि बजरंग दलाने ही कबर हटवावी अन्यथा बाबरीप्रमाणेच परिणाम होईल, असा इशारा दिला होता. याच पार्श्वभूमीवर नागपुरात मोठा हिंसाचार झाला. दोन गटांमध्ये संघर्ष उफाळल्यानंतर शहरात दंगलसदृश्य स्थिती निर्माण झाली. आता या हिंसाचारामागे फहीम खान असल्याचे नागपूर पोलिसांनी स्पष्ट केले आहे.
Nagpur Violence फहीम खानवर गंभीर आरोप
पोलिस तपासात समोर आले आहे की, मायनॉरिटी डेमोक्रॅटिक पार्टी (MDP) चे शहराध्यक्ष फहीम खान यांच्या नेतृत्वाखाली पोलिस ठाण्यावर मोर्चा काढण्यात आला. दाखल झालेल्या तक्रारीनुसार, जमावाने अंधाराचा फायदा घेत महिला पोलिस कर्मचाऱ्यांचा विनयभंग करण्याचाही प्रयत्न केला.
दरम्यान, विश्व हिंदू परिषद आणि बजरंग दलाच्या कार्यकर्त्यांनी गांधी गेटजवळ छत्रपती शिवाजी महाराजांच्या पुतळ्यासमोर औरंगजेबाच्या थडग्याचा प्रतीकात्मक पुतळा जाळला, ज्याचा निषेध करण्यासाठी फहीम खान यांच्या नेतृत्वाखाली मोर्चा काढण्यात आला.
या जमावाने शहरात दहशत निर्माण करण्यासाठी दगडफेक, तोडफोड आणि जाळपोळ केली. त्यांच्याकडे कुऱ्हाडी, दगड, काठ्या आणि इतर धोकादायक शस्त्रे होती. त्यामुळे धार्मिक तेढ निर्माण करून नागपुरातील शांतता भंग करण्याचा प्रयत्न करण्यात आल्याचा पोलिसांचा आरोप आहे.
