राज्यातील राजकारणात पुन्हा एकदा खळबळजनक घडामोडी समोर आल्या आहेत. फेरबदल मुख्यमंत्री देवेंद्र फडणवीस यांच्या मंत्रिमंडळात (Mahayuti Government) करण्यात आलाय. कृषी खातं (Agriculture Minister Post) माणिकराव कोकाटे यांच्याकडून काढून घेण्यात आलं आहे. कृषी मंत्रालय त्यांच्या जागी दत्तात्रय भरणे यांच्याकडे देण्यात आलं असून, क्रीडा आणि युवक कल्याण मंत्रालयाचा कार्यभार कोकाटे यांना ( Manikrao Kokate) आतादेण्यात आला आहे.
कृषिमंत्रीपदाचा राजीनामा
कृषीमंत्री माणिकराव कोकाटे यांचा एका व्हिडीओमुळे वाद निर्माण झाला होता. राष्ट्रवादी काँग्रेस (शरद पवार गट)चे आमदार रोहित पवार यांनी विधिमंडळात रमी खेळत असलेला माणिकराव कोकाटे यांचा व्हिडीओ समाजमाध्यमांवर शेअर केला होता. या व्हिडीओनंतर विरोधकांनी कोकाटे यांच्यावर टीकेचा भडिमार करत कृषिमंत्रीपदाचा राजीनामा मागितला होता. या घडामोडींवर प्रतिक्रिया देताना महायुती सरकारला आमदार रोहित पवार (Rohit Pawar) यांनी थेट इशारा दिला आहे
रोहित पवार यांनी एक्स (Twitter) वर पोस्ट करत म्हटलंय की, कोणतेही मंत्रीपद ही फक्त प्रतिष्ठा नसून मोठी जबाबदारी असते. दुर्लक्ष जेव्हा मंत्री स्वतःच्या पदाच्या जबाबदारीकडे करतात, तेव्हा त्याचा फटका थेट सामान्य जनतेला बसतो. असंच कोकाटे यांच्या बाबतीतही घडलं. त्यामुळेच त्यांच्या राजीनाम्याची मागणी करण्यात आली होती. सरकारने राजीनाम्याऐवजी केवळ खात्याचा फेरबदल केला. मात्र, क्रीडा मंत्रालयसुद्धा युवकांसाठी अत्यंत महत्त्वाचं आहे. त्यामुळे कोकाटे यांनी आता तरी भूतकाळातील चुका न करता जबाबदारीने काम करावं, ही अपेक्षा आहे. तसेच कृषी खात्याचा कार्यभार दत्तात्रय भरणे यांनी स्वीकारताना शेतकऱ्यांच्या प्रश्नांना प्राधान्य द्यावं.
फक्त खाते बदलले
रोहित पवार यांनी स्पष्ट शब्दांत म्हटलंय की, फक्त खाते बदलल्याने जबाबदारीपासून सुटका होत नाही. सरकारमधील प्रत्येक मंत्री जबाबदारीने वागला पाहिजे. अन्यथा संपूर्ण सरकार त्यासाठी जबाबदार ठरेल. आम्ही आमच्या लक्षातून कोणतंही खाते सुटू देणार नाही. मंत्री असंवेदनशील असतील, तर महाराष्ट्र सहन करणार नाही.
माणिकराव कोकाटेंना क्रीडा मंत्रालय दिल्यानंतर शरद पवार गटाने खोचक प्रतिक्रिया नोंदवली आहे. त्यांच्या अधिकृत एक्स (Twitter) अकाऊंटवर पोस्ट करत लिहिलं आहे, महाराष्ट्रातील गरीब, कष्टकरी, शेतकरी व तरुण वर्गाच्या प्रश्नांना न्याय मिळो अथवा न मिळो, मात्र महायुतीतील मंत्र्यांच्या कला-गुणांना नक्कीच चालना मिळते, हे पुन्हा सिद्ध झालं आहे. ‘रमी’राव यांचं मनःपूर्वक अभिनंदन! त्यांनी माणिकराव कोकाटेंना ‘रमी’ खेळावरून पुन्हा एकदा टोला लगावण्यात आला आहे.
