आजच्या ग्लॅमरच्या दुनियेत, ब्रँडेड कपड्यांना स्टेटस आणि दर्जा दर्शवणारा घटक मानलं जातं. अनेक लोक शर्ट, टी-शर्ट किंवा जॅकेट घेताना फक्त फॅब्रिक नाही, तर त्या कपड्यावर असलेल्या ब्रँड लोगोकडे विशेष लक्ष देतात. आणि विशेष बाब म्हणजे – अधिकांश ब्रँड्स आपला लोगो नेमकं डाव्या बाजूला का लावतात? ही गोष्ट ऐकायला साधी वाटत असली, तरी तिच्यामागे मानसशास्त्र, ग्राहक अनुभव, आणि दृश्य मार्केटिंग यांचा सखोल विचार दडलेला असतो.
डाव्या बाजूचा लोगो – हृदयाला भिडणारा स्पर्श
आपल्याला माहीत आहेच की हृदय शरीराच्या डाव्या बाजूस असतं. त्यामुळे कपड्यावरील लोगो जर डाव्या बाजूस असेल, तर तो “दिलाच्या जवळचा” वाटतो. हाच भावनिक दुवा ब्रँड आणि ग्राहक यांच्यात एक खास नातं निर्माण करतो. त्यामुळे वापरकर्ता त्या ब्रँडशी अधिक घट्टपणे जोडला जातो.
नजर आधी डावीकडेच जाते मेंदूचं नैसर्गिक वर्तन
शास्त्रीयदृष्ट्या, माणसाचा मेंदू समोर एखादी गोष्ट आली की प्रथम डावीकडे पाहतो. त्यामुळे लोगो डावीकडे असला की, तो पहिल्याच क्षणी लक्षात येतो. हीच गोष्ट ब्रँडिंगच्या दृष्टीने फार महत्त्वाची ठरते – कारण एका क्षणातच ब्रँडची ओळख निर्माण होते.
शालेय गणवेश, युनिफॉर्म आणि परंपरेचा प्रभाव
आपण शाळेपासून पाहतो – नावाची पट्टी, बॅच, सन्मानचिन्ह बहुतेक वेळा डाव्या बाजूला असते. हीच रचना आपण पोलिस, लष्कर किंवा हॉस्पिटलच्या युनिफॉर्ममध्येही पाहतो. फॅशन इंडस्ट्रीनेही याच परंपरेचा विचार करून डावीकडील लोगो ही खास पद्धत स्वीकारली आहे.
लोगो म्हणजे कपड्याची ओळख
कपड्यावर असलेला लोगो ब्रँडचा चेहरा असतो. आणि तो डावीकडे असेल, तर तो सहज आणि लगेच लक्षात राहतो. यामुळे ग्राहक त्या लोगोशी, त्या अनुभवाशी आपलं एक वेगळं नातं तयार करतो. पुढच्या वेळेस तोच ब्रँड पाहिला, की डावीकडील लोगो ओळखून तो आपोआप त्या ब्रँडकडे आकर्षित होतो.
खरे आणि नकली ब्रँडमध्ये फरक ओळखण्याचं साधन
बाजारात नकली ब्रँड्सची संख्या वाढली आहे. अशा वेळी डावीकडचा लोगो हा एक महत्त्वाचा संकेत ठरतो. जर कपड्यावरचा लोगो नेहमीच्या जागी नसेल, तर तो ब्रँड ऑरिजिनल आहे की नाही, यावर शंका घेतली जाऊ शकते.
कपड्यांचा लोगो हा ‘फक्त’ फॅशनचा भाग नाही!
ब्रँड फक्त नावासाठी नव्हे, तर त्या लोगोमधून भावना, मूल्यं आणि ओळख निर्माण करतो. त्यामुळे कपड्यावरील लोगो ही एक व्यावसायिक आणि भावनिक रणनीती आहे. हा डिझाईनचा भाग असूनही त्यामागे एक सखोल विचार आणि ग्राहकांसोबतचा दुवा लपलेला असतो.
