प्रवास प्रत्येकाच्या आयुष्यात ताजेपणा आणि उत्साह घेऊन येतो. धावपळीच्या जगण्यातून सुटका मिळवण्यासाठी अनेकजण सुट्ट्यांचा प्लॅन करतात. साहसी खेळांमध्ये रस असणाऱ्यांसाठी बंजी जंपिंग हा अनुभव विसरता न येणारा असतो. भारतात आता हे ॲडव्हेंचर सहज उपलब्ध आहे आणि बरेच पर्यटक या थरारक अनुभवासाठी विविध ठिकाणी भेट देतात. चला तर मग, जाणून घेऊया भारतातील बंजी जंपिंगसाठी प्रसिद्ध असलेली 5 सर्वोत्तम ठिकाणं.
- ऋषिकेश (Rushikesh) – भारतातील सर्वात उंच बंजी जंपिंग पॉईंट
उत्तराखंडातील ऋषिकेश हा निसर्गरम्य स्थळ आहे जे साहस प्रेमींमध्ये विशेष लोकप्रिय आहे. येथे मोहन चट्टी नावाच्या ठिकाणी 83 मीटर उंचीवरून बंजी जंपिंग करण्याची सुविधा आहे. “Jumpin Heights” नावाच्या संस्थेमार्फत ही ॲक्टिव्हिटी पूर्णतः सुरक्षित वातावरणात केली जाते. शिवपुरी परिसरातही बरेच साहसी खेळ उपलब्ध आहेत.
- लोणावळा (Lonavala) – मुंबई आणि पुण्याजवळील आदर्श बंजी जंपिंग ठिकाण
पावसाळ्यात हिरवळीत नटलेले लोणावळा, ॲडव्हेंचर प्रेमींसाठी पर्वणी ठरते. येथे 28 मीटर उंचीवरून बंजी जंपिंग करता येते. येथे “Della Adventure Park” या ठिकाणी ही सुविधा दिली जाते. शहराजवळचं असल्यानं एक दिवसात ही ट्रीप पूर्ण करता येते.
- गोवा (Goa) – समुद्रकिनाऱ्यावरचा थरारक अनुभव
गोवा म्हणजे नुसताच समुद्रकिनारा आणि पार्टीज नव्हे तर अ‍ॅडव्हेंचरचा आनंददेखील. ग्रॅव्हिटी झोन या ठिकाणी, अंजुना बीचवर 35 मीटर उंचीवरून बंजी जंपिंग करता येते. समुद्राच्या लाटा आणि थरारक उडी – हा अनुभव प्रत्येकानं एकदा तरी घ्यायलाच हवा.
- बंगळुरू (Bangaluru) – आयटी हबमधील ॲडव्हेंचर ब्रेक
बंगळुरूमध्ये तुम्ही ऑफिसच्या तणावातून बाहेर पडून थोडा थरार अनुभवू शकता. येथे 25 मीटर उंचीवरून बंजी जंपिंग करता येते. इथे “Ozone Adventures” नावाच्या ग्रुपमार्फत सुरक्षिततेसह ही सेवा दिली जाते.
- गुरुग्राम (Gurugram) – NCRमधील साहसी केंद्र
गुरुग्राममधील “Backyard Sports Club” हे बंजी जंपिंगसाठी उत्तम ठिकाण आहे. येथे 60 मीटर उंचीवरून उडी मारण्याची संधी मिळते. दिल्ली-NCR परिसरात राहणाऱ्यांसाठी हा एक खास पर्याय आहे.
जर तुम्हाला तुमच्या उन्हाळ्याच्या सुट्ट्या संस्मरणीय बनवायच्या असतील तर या ठिकाणांपैकी कुठेही जाऊन बंजी जंपिंगचा अनुभव नक्की घ्या. योग्य प्रशिक्षण, सुरक्षा उपकरणे आणि प्रशिक्षित गाईड यांच्या सहकार्याने हे थरारक खेळ सुरक्षितपणे खेळता येतात. एकदा अनुभव घेतल्यावर तो क्षण तुमच्या स्मरणात कायम राहील.
