राज्यातील शेतकऱ्यांच्या समस्या दिवसेंदिवस गंभीर होत आहेत. शेतकरी आंदोलन करत आहेत. त्यात राज्याचे कृषीमंत्री माणिकराव कोकाटे मात्र विविध वादग्रस्त वक्तव्ये करण्यात व्यस्त असल्याचं दिसून येत आहे. त्यात आता कोकाटेंच्या अडचणीत आणखी वाढ झाली आहे. ते म्हणजे आता कोकाटेंचा थेट जंगली रमी खेळताना दिसत आहेत. सोशल मिडीयावर आमदार रोहित पवार (Rohit Pawar ) यांनी हा व्हिडीओ शेअर केला आहे. त्यात त्यांना जंगली रमी पे आओ ना महाराज असं म्हणत कोकाटेंना खोचक टोला लगावला आहे.
Rohit Pawar काय म्हणाले रोहित पवार?
गली रमी पे आओ ना महाराज …!
सत्तेतल्या राष्ट्रवादी गटाला भाजपला विचारल्याशिवाय काहीच करता येत नाही म्हणूनच शेतीचे असंख्य प्रश्न प्रलंबित असताना, राज्यात रोज ८ शेतकरी आत्महत्या करत असताना सुद्धा काही कामच नसल्याने कृषिमंत्र्यांवर रमी खेळण्याची वेळ येत असावी.रस्ता भरकटलेल्या या मंत्र्यांना आणि सरकारला पिकविमा-कर्जमाफी-भावांतर ची मागणी करणाऱ्या शेतकऱ्यांची “कभी गरीब किसानो कीं खेतीपर भी आओ ना महाराज” ही आर्त हाक ऐकू येईल का?
दरम्यान राज्यातील राजकराण आता रोहित पवार (Rohit Pawar ) यांनी शेअर केलेल्या या व्हिडीओनंतर पु्न्हा तापणार आहे. राज्य सरकारच्या अडचणी यामुळे वाढू शकतात. नुकत्याच विधान भवनातील मारामाऱ्यांवरून विरोधकांनी सरकारला घेरलेले असताना आता कोकाटेंचा रमी खेळतानाचा व्हिडीओची भर पडली आहे. एकीकडे राज्यात शेतकरी आणि विरोधक यांच्याकडून कर्जमाफीसाठी सरकारवर दबाव आणला जात आहे. मात्र दुसरीकडे राज्याचे कृषीमंत्री मात्र थेट रमी खेळण्यात व्यस्त असल्याचं पाहायला मिळत आहे. त्यामुळे कोकाटेंचा हा व्हिडीओ विरोधकांच्या हाती आयतं कोलीत मिळाल आहे, एवढं नक्की.
