शिवसेना (ठाकरे गट) प्रमुख उद्धव ठाकरे यांच्या मुलाखतीवर भाजप नेते सुधीर मुनगंटीवार यांनी (Sudhir Mungantiwar) प्रतिक्रिया देताना जोरदार टोला लगावला. अजून ठाकरे ब्रँड (Uddhav Thackeray) जिवंत आहे, पण तो ब्रँड आता बाजारात चालत नाही, असे म्हणत सध्याच्या जनमताचा त्यांनी हवाला दिला. प्रत्येक ब्रँड अँबेसडर यशस्वी होत नाही. सध्या मतदारांना तो ब्रँड पसंत नाही. आपला पाठिंबा मतदारांनी कोणाला (Maharashtra Politics) आहे हे स्पष्ट दाखवून दिलं आहे, अशी टीका त्यांनी केली.
Sudhir Mungantiwar ठाकरे ब्रँड जिवंत?
पराभवाचे चटके जेव्हा बसतात,आपल्याला तेव्हा सगळ्या ठिकाणी शेंदूर लावलेले दिसतात. ठाकरे ब्रँड जिवंत आहे. पण तो ब्रँड आता बाजारात चालत नाही. अनेक ब्रँड अँबेसेडर आहेत. प्रत्येक ब्रँड चालतो, असं नाही. ठाकरे ब्रँड सध्या चालत नाही, मतदारांना पसंत पडत नाही. स्वतःला ते सामान्य समजत असतील, जी सामान्य जनता आहे ती आमच्यासोबत आहे, मतदानामधून त्यांनी सांगितलं की, त्यांचा पाठिंबा आम्हाला आहे.
जादूटोणा केल्याचे सूचक आरोप शिवसेना (ठाकरे) गटाकडून एकनाथ शिंदेंवर करण्यात आले होते, त्यावर मुनगंटीवार म्हणाले, डायनासोर राजकारणाचा स्तर झाला आहे. जर खरंच जादूटोणा करून सत्ता मिळत असेल, तर तोच वापरून देशातून गरिबी, जातीयवाद हटवता आला असता. जादूटोणा ही केवळ अंधश्रद्धा आहे.
Sudhir Mungantiwar ऑनलाइन गेमिंगवर चिंता
मुनगंटीवार यांनी ऑनलाईन गेमिंगविषयीही चिंता व्यक्त केली. हे एक व्यसन झालं आहे. नव्या पिढीला यातून धोकादायक व्यसन लागण्याचा धोका आहे. ऑनलाइन गेमिंग, बॅटिंग आणि जुगारासारख्या गोष्टींवर योग्य कायद्यांच्या चौकटीत कठोर पावलं उचलणं आवश्यक आहे, असं ते म्हणाले.
Sudhir Mungantiwar राज ठाकरे यांचं मुख्यमंत्रीपदाचं स्वप्न?
राज ठाकरे यांच्या मुख्यमंत्री पदाच्या सूचनेवर मुनगंटीवार म्हणाले, ती त्यांची वैयक्तिक अभिव्यक्ती आहे. समितीचा निर्णय आल्यानंतर पुढील निर्णय घेतला जाईल. काय भाषा कोणता पक्ष वापरतो, त्या पक्षाच्या संस्कारांवर हे अवलंबून असतं. महायुती सरकारची मुनगंटीवार यांनी एकूणच, उद्धव ठाकरे आणि राज ठाकरे यांच्या विधानांवर संयत पण स्पष्ट भाषेत उत्तर देत भूमिका मांडली आणि भाजपला सामान्य जनतेचा पाठिंबा असल्याचं अधोरेखित केलं.
